Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 5 June 2020

Carabki Wargeyska Indian Ocean Oo Noqday Mid Xanta Iyo Fidnada Huriya .. Eritrea Oo Ku Eedeysay Wargeyskaa Iney Xambaarteen Been Abuurasho Iyo Dembi Cad

Thursday - December 27, 2018


Warbixinta ay daabacday Indian Ocean Newsletter ee bishaan december 21/20018 ayaa qortay in ciidamo Itoobiyaan iyo Eritrean ah ay beddelayaan ciidanka Amisom ee ka hawl gala somaliya, warkaaso dowladda Eritrea ay si adag u beenisay warbixinta ay qortay jariidaddaas oo lagu sheegay in Eritrea ay ciidamo u direyso dalka Soomaaliya, kuwaas oo tagi doona magaalada caasimadda ah ee Muqdisho.

Qoraal ka soo baxay wasaaradda warfaafinta Eritrea ayaa tiri: Wargeyska Indian Ocean Newsletter waxa ay biishaan 21 december baahisay in Eritrea qorsheyneyso iney 5000 Askari geyneyso somaliya oo u warkaasu yahay been iyo khiyaal qayaxan, waxay kalo wasaarada warkeeda raacisay in damaca Indian Ocean Newsletter ee ah inay akhbaar been ah faafiso kuma guuleysan-doono ujeedkeeda, waxaana uu burburin doonaa oo kaliya sumcaddeeda .. Wasaarada warfaafinta ayaa ugu baaqday wargeyska Indian Ocean Newsletter inay xushmeyso akhrista-yaasheeda iskana joojiso baahinta wararka beenta ah