Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Sunday, 23 September 2018

Waa Dhambaal Furan Oo Nuur-Sabaax Dahir Saciid Ay Ku Jiheysay Madaxweyne Maxamed Farmaajo

Thursday - June 28, 2018


Ku: Madaxwaynaha Jamhuuriyadda Federaalka Soomaaliya      – Mugadishu.
Og: Dhamaan Shacabwaynaha  Soomaaliya.                                 – Meel Walba.
Ujeeddo: Madaxweyne Hantida Qarankeenu Leeyahay Aan Badbaadino

Mudane Madaxweyne. Waxaad marka hore iga gudoontaa salaanta islaamka ee ah « Asalaamu Calaykum Waraxmatullaahi Wabarakaatuhu ». SALAAM Kadib.

Mudane Madaxweyne. Anigoo ah Muwaadinad Soomaaliyeed gaar ahaan Qurbaha ku nool, waxaan jeclahay in aan mahad kuugu celiyo masuuliyada balaaran ee aad u haysid ummada Soomaaliyeed Dal iyo Dibadba .. Alle ayaana ka baryayaa in uu kugu asturo masuuliyadaas adiga iyo dowlada aad hogaanka u tahay.

Madaxweyne Waxaan kugu dooranay oo Cadceeda Kuleyl u istaagnay Inaan taageerno Hal-Ku Dhagi Ahaa Danta Dadka Iyo Dalka, waxaad ahayd astaan midnimo Qaran iyo ilaaliyaha Xeerka Dalka, waxay Ummadu ay kaa aamisantahay inaad tahay badbaadiyaha Kowaad iyo Qofka ay tahay in lagu baxsado Madaxnimadiisa .. Waxaan ku leeyahay Madaxweyne " Waari Mayside War Ha Kaa Haro" .. Madaxweyne Waxaan Rajeynayaa in mustaqbalka ay taariikhduu ku xusto, Taariikhdaasna lagu baran-doono Dugsiyada
 
Mudane Madaxweyne Waa hubaal in ay jireen dhacdooyin fool xun oo dalka Xeebihiisi Iy Badiisaba amaba Hantidiisi horay loo iib geeyay si kastaaba ha ku dhacdee, taas waxay noqotay nabar xanuun badan oo soo gaaray muwaadin kastaa ee Soomaaliyeed ha ku noolaadaan dalka ama dibad.
 
Mudane madaxweyne. waxaa muuqata in himiladi iyo Doladnimadi somaliya U Cadawgi gudaha iyo dibada Boob iyo dibu dhac la beegsanaayo waqti soo kabasho loo balansan-yahay, sidaa awgeed waxaan Madaxweyne kaa codsanayaa anigoo ah Muwaadinad Dalkeeda jecel kana dhiidhisa dhibaatooyinka soo gaaraya umadeena Soomaaliyeed in ay dowladaha dariska ah aysan ka faa’iideysan maanta xaalada ay Soomaaliya ku sugan tahay, teeda kale Madaxweyne miyaan la gaarin xiligi la Hakin lahaa Daba-saqleynta dawlado shisheeye.

Dhulku waa dhaxalkii awoowgeyn ee xusuusnaada uusan noqon dhaxalkii lakala qeyb-qeybsadee dowlad waliba sida ay u aragto aysan qallinka ugu duugin.

Dhulka Anaa leh Soomaali baan ahay dowlad aan u fasaxay dhulkeyga hooyo ma ay jirto in ay dowlado shisheeyo kula gor-gortanto .. Saddex iyo Tobankii Wiil ee xornimada u soo dagaalamay iyo kuwii ka horeeyay hadday maanta Soomaali xaalkeeda arki lahaayeen maxay oran lahaayeen ?

Mudane Madaxweyne. Waan kugu kalsoonahay adiga iyo xukuumadaada sharafka leh. Laakiin arrinkani waa dardaaran Muwaadaninimo, adiga iyo xukuumadaadaba waxaan idinka codsanayaa in aad hantida Soomaaliyeed ku fara adeegtaan oo waa idin ku amaano, Alle hortiisana waa la idin weydiin. Gaar ahaan dowladaha dariska ah ee u han-qaltaagaya hantida Soomaaliyeed. Ayagoo ku fakaraya in ay Soomaaliya maantay sida ay rabaan ka helaan ayagoo ku soo gabanaya xagga dhaqaalaha.

Mudane Madaxweyne waxaan Rajeynaya in dhawaaqeygu ku soo gaaro kana fal-celiso dhambaalkeyga .. Mahadsanid
Qore Nuur-Sabaax Daahir Saciid Xaashi
E-Mail: Sabahsaed@Yahoo.com


hits Hits : 1599